Agjencia e Inovacionit dhe Ekselencës

Shpallje vendi vakant për pozicion pune, në Agjencinë e Inovacionit dhe Ekselencës:

Specialist komunikimi

Bazuar në Kodin e Punës në Republikën e Shqipërisë, Vendimit nr. 620, datë 1.11.2023 të Këshillit të Ministrave “Për krijimin, organizimin dhe funksionimin e Agjencisë së Inovacionit dhe Ekselencës“, i ndryshuar, Vendimit nr. 893, datë 17.12.2014 “Për miratimin e rregullave të organizimit dhe të funksionimit të kabineteve ndihmëse, të organizimit të brendshëm të institucioneve të Administratës Shtetërore, si dhe për procedurat e hollësishme për përgatitjen, propozimin, konsultimin dhe miratimin e organizimit të brendshëm”, i përditësuar, Ligjit nr. 90/2012 “Për organizimin dhe funksionimin e Administratës Shtetërore”, si dhe Urdhrit Nr. 34, datë 13.2.2024 të Kryeministrit të Republikës së Shqipërisë “Për miratimin e strukturës dhe të organikës së Agjencisë së Inovacionit dhe Ekselencës”, Agjencia e Inovacionit dhe Ekselencës (AIE) shpall 1 (një) vend vakant për pozicionin:

Specialist komunikimi

Përshkrimi përgjithësues i punës për pozicionin si më sipër është:

1. Transmeton informacione, njoftime dhe porosi nga Drejtori i Përgjithshëm drejt stafit, institucioneve dhe palëve të treta;
2. Përgatit dhe mban procesverbalet e mbledhjeve dhe takimeve zyrtare;
3. Arkivon dhe sistematizon materialet, dokumentet dhe shkresat;
4. Monitoron afatet e zbatimit të vendimeve dhe shkresave të dala nga Drejtori i Përgjithshëm;
5. Përgatit dosjet dhe materialet shoqëruese sipas kërkesave të Drejtorit të Përgjithshëm;
6. Kujdeset për pajisjet, orenditë dhe mjetet e punës në zyrë;
7. Harton dhe përgatit materiale informuese si njoftime, fletëpalosje, broshura, reklama dhe përmbajtje të tjera promovuese;
8. Ndihmon në përpilimin e fjalimeve dhe dokumenteve zyrtare për paraqitjet publike;
9. Siguron komunikim efektiv brenda institucionit dhe me institucionet e tjera bashkëpunuese;
10. Kryen çdo detyrë shtesë të deleguar nga Drejtori i Përgjithshëm;

Kushtet dhe kriteret:

Kandidatët duhet të plotësojnë kushtet si vijon:

• Shtetësia: Të jetë shtetas shqiptar ose i huaj;
• Edukimi:Të ketë përfunduar studimet universitare në nivelin “Master Shkencor” në fushat e Marketingut, Marrëdhënieve
  me publikun, Komunikimit, ose fusha të tjera të ngjashme. Diplomave të marra jashtë territorit të Republikës së Shqipërisë kërkohet t’u jetë bërë njohja sipas legjislacionit në fuqi.;
• Përvoja Profesionale: Të ketë jo më pak se 1 vit përvojë pune të dokumentuar në fushën e marketingut, marrëdhënieve me publikun dhe rrjeteve sociale ose në fusha të ngjashme me to, me fokus në cilësi të lartë dhe operacione funksionale, si në sektorin publik ashtu edhe atë privat;
• Të zotërojnë aftësi të shkëlqyera komunikimi, si në të shkruar ashtu edhe në të folur, duke përfshirë prezantime me nivele te ndryshme audience qe nga audienca ekzekutive, drejtuesit, pergjegjesit dhe specialiste te fushave te ndryshme te veprimtarise se Administrates Publike;
• Të jenë profesionalë, objektive dhe etikë në ushtrimin e detyrës;
• Të zotërojnë gjuhën angleze në nivel të lartë, si në të shkruar ashtu edhe në të folur;
• Të jenë të motivuar për të kontribuar në projekte publike dhe të kenë interes për punë me institucione shtetërore ose organizata me mision publik;
• Të kenë njohuri të mira të platformave sociale dhe mjeteve të menaxhimit të përmbajtjes (si Meta Business Suite, Canva, Mailchimp, WordPress etj.);
• Të jenë përdorues të shkëlqyer të rrjeteve sociale

Paga për pozicionin: Kategoria IV-2

Dokumentacioni, mënyra dhe afati i dorëzimit:

Kandidati i interesuar duhet të dorëzojë dokumentat e mëposhtme:

• Letër interesi për pozicionin;
• Jetëshkrim (CV);
• Kopje të diplomës dhe listës së notave (origjinale ose të noterizuar);
• Kopje të librezës së punës (origjinale ose të noterizuar);
• Kopje të certifikatave të kualifikimit (nëse ka);
• Te dhënat e kontakteve të dy personave që janë të gatshëm të japin rekomandim për kandidatin; ;
• Dëshmi penaliteti;
• Vërtetim nga Gjykata dhe Prokuroria;
• Cdo dokumentacion tjetër që vërteton plotësimin e kushteve të mësipërme, si dhe trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrim;
• Certifikatë ose dëshmi për mbrojtjen e gjuhëve të huaja (origjinale ose të noterizuar);
• Numër kontakti dhe adresë e-mail-i.

Kandidatët mund të aplikojnë në format e cilësuara si vijon:

• • Të dërgojnë nëpërmjet postës zyrtare dokumentat në zyrën e protokollit, nga e hëna- të enjte, gjatë orarit zyrtar 8:30-17:00, dhe të premten gjatë orarit zyrtar 8:00-14:00, në adresën si më poshtë:

• Të dergojnë dokumentat bashkëlidhur në adresën e e-mail-it: shkelqe@aie.gov.al, i cili konfirmon nëpërmjet postës elektronike marrjen e aplikimit përkatës.

Aplikimet duhet të dorëzohen në një nga dy mënyrat e përmendura më sipër, brenda datës 12 Dhjetor 2025, (E Premte), Ora 14:00.

Mosparaqitja e dokumenteve brenda afatit sjell skualifikim të kandidatit.